從前香港有個大水塘,孕育呢個彈丸之地,創出一個又一個亞洲第一嘅故事。


「麥子」現聯乘「印象交易所」,隆重推出全新「飲酒思源」系列,特選五個香港主要水塘,製成五款獨一無二嘅「水塘啤」,飲啤酒同時感受香港水塘小故事。

套餐內容包括:水塘啤每款各2支 + 2 支隨機口味麥子啤酒  (合共12支)

 

飲酒思源 - 大潭 

味道: 經典 Classic PALE ALE

ALC 5.5%

成份:水、麥芽、啤酒花、酵母

產地:香港

 

以曾經被喻為「亞洲第一霸」嘅大潭水塘為藍本開發嘅經典口味手工啤。大潭水塘,係香港第二個建成嘅水塘,有近150年歷史,規劃同設計於當時係劃時代之作,亦間接令香港得以由一個小漁村、蛻變成國際大都會,所以大潭水塘,絕對係香港嘅真正經典!

 

飲酒思源 - 河背 

味道: 絲苗 Jasmine Rice

ALC 5.0%

成份:水、麥芽、絲苗米、啤酒花、酵母

產地:香港

 

以曾經灌溉出元朗絲苗嘅河背水塘為藍本開發嘅烘焙米味手工啤。元朗絲苗,曾經享負盛名外銷世界,可惜最後都不敵時代巨輪。河背水塘,正正見證咗香港農業嘅興衰。

 

飲酒思源 - 城門 

味道: 菠蘿霸 Pineapple 

ALC 5.5%

成份:水、麥芽、菠蘿汁、啤酒花、酵母

產地:香港

 

以擁有菠蘿壩嘅城門水塘為藍本開發嘅菠蘿味手工啤。城門水塘位於香港荃灣城門谷,相傳呢一帶曾經有村民種植菠蘿,所以水壩亦以此為名。而城門谷亦係香港保衛戰當中、醉酒灣防線嘅一部分,可以話代表住香港嘅命脈。

 

飲酒思源 - 船灣 

味道: 白蘭 Michelia x Alba 

ALC 5.0%

成份:水、麥芽、白蘭花、啤酒花、酵母

產地:香港

 

以毗鄰香港白蘭花之鄉林村嘅船灣淡水湖為藍本開發嘅白蘭花味手工啤。船灣淡水湖,係全球首個海中興建嘅食水水庫,工程浩大。佢兩公里長嘅大水壩,更加成為咗幾代香港人嘅集體回憶。

 

飲酒思源 - 萬宜 

味道: 鹽田仔 Sea Salt 

ALC 4.8%

成份:水、麥芽、海鹽、天然香料、啤酒花、酵母

生產產地:香港

 

以正對西貢鹽田仔嘅萬宜水庫為藍本開發嘅海鹽味手工啤。萬宜水庫,儲水量為全港之冠,然而由起好開始,主要都係擔當後援儲備嘅角色。不過佢代表香港嘅份量依然舉足輕重,甚至連一樣「港人最愛」都取名於佢。

 

 

「飲酒思源 」水塘啤套餐

HK$450.00價格

    12C JING HO INDUSTRIAL BUILDING, 78 - 84 WANG LUNG STREET, TSUEN WAN, HK